14-17 noyabr tarixlərində Bakıda keçiriləcək IX “START” Beynəlxalq Qısa Filmlər Festivalının “Cinemobil” onlayn müsabiqəsində yarışacaq filmlər müəyyənləşib.
Festivalda ilk dəfə reallaşan mobil telefonlarla çəkilmiş filmlərin müsabiqəsinə 15 film göndərilib. Seçim Komissiyası yalnız üç filmi onlayn səsverməyə təqdim edib. Bunlar Sənan Səfərovun “Bir zamanlar Xudatda”, Natiq Məmmədovun “Həsrət”, Könül Sərkərnamazovanın “Səfil müğənnilər” filmləridir.
Onlayn müsabiqənin qalibləri tamaşaçıların onlayn səsverməsi yolu ilə müəyyən ediləcək. Filmlər noyabrın 10-da festivalın “Feysbuk” səhifəsində yerləşdiriləcək. Səsvermə 16 noyabr tarixinə kimi davam edəcək.
Müsabiqənin qalibinə “TAMAŞAÇI RƏĞBƏTİ” mükafatı təqdim ediləcək.
Input your search keywords and press Enter.